Мөғжизә көткәндә...

Ап-аҡ ярҙар, ап-аҡ тауҙар, 
Ап-аҡ болон, туғайҙар. 
Ап-аҡ донъяға кинәнеп, 
Елдәр ҡумыҙ уйнайҙар. 
Ап-аҡ йондоҙҙар баҙлайҙар 
Алыҫ күк көмбәҙендә, 
Әйтерһең дә, ап-аҡ нур бар 
Ҡыштың һәр биҙәгендә. 
Аҡлыҡ бөркөп, сафлыҡ бөркөп, 
Ап-аҡ ҡарҙар яуалар. 
Ап-аҡ ҡарҙар яуған саҡта 
Байрам итә балалар. 
Бына ниндәй матурлыҡ!Шул тиклем матур итеп ата-әсәләр уйын майҙансығын, ҡарҙан ҡар һындары эшләп биҙәп тә ҡуйҙылар.Афариндар!Барығыҙға ла һаулыҡ,ғаилә бәхете,балалар ҡыуанысы теләйбез